秀雅 (7/12/2008)

踢了超過一小時的一球, 都唔係第一次, 再次證明我地係善於死守, 不過死守都未必守到全場, 而以以往經驗我地心理質素唔係好得, 失左一球之後扳平既能力幾乎係0, 而且會好快再失多幾球, 所以個人認為偷到第一球好重要, 前鋒們努力d 啦, 靠你地喇.

今天又暴露出老問題, 當後場俾人緊迫既時候就猜唔到波, 我諗個key 其實係開龍門球要快d, 唔好等d 人上晒黎迫先開, 同埋前面始終要俾對方感覺到壓力, 咁對方先唔會迫得咁前, 我想講既係呢個並唔係完全係後面既問題, 前面都有d 責任.
仲有當大家俾人迫, 回傳俾幫你既隊友果時, 盡量唔好邊跑向隊友邊傳, 咁會令到幫你果個冇時間處理, 一接到波人地就埋到黎, 所以傳後既話唔好向自己友跑, 最好就拎身位頂住對手, 咁隊友就可以多d 時間同少d pressure.
另外傻喬的確係跑動好多, 防守都十分好, 不過我覺得進攻差小小, 如果可以製造到多d 直接既威脅應該會好好多, 可以嘗試找尋多d 射波既機會起腳, 咁對方防守會冇咁輕鬆, 當然要有相當既射術去配合, 你自己知自己事啦, 如果唔係只會令對手更輕鬆, 苦練下射波啦.

至於好既地方係我覺得江曉駿多左嘗試拎身位先, 雖然有時都未必搶得贏個位, 不過絕對係好既嘗試, 用多d 手啦.
同埋Peter 係前面係冇咩support 既情況下個人可以製造到威脅, 不過控第一腳就差咁d, 改善一下進攻應該會流暢一點.

可能今日個陣係偏弱同陣容不整la
作準就唔可以,but都可以提出幾點

1)可能今次個波係難踢d,踢到腳痛,不過大腳ge重要性好大,今次呢場波好明顯係比較少,而且論個形勢黎講,我地被壓係後場係應該多d大腳,你ge大腳清唔夠果段,比人迫到就死先斬通常都斬唔到靚,同埋後面越搞得耐,前面d人迫住壓番後d,都係蝕章ge做法,晒埋大腳ge最好效果.我認為如果邊個決定準備大腳ge話,不如打d signol提示我地企番前la.

2)我地既然唔夠人踢,我認為就應該用多d直接d ge方法攻好似大腳、放長傳地波向前鋒,try is important. 但係似乎我地越係搓唔到波,就越係玩近身短傳多,呢個相信係出現好耐ge壞習慣, 越係唔夠人踢就越係想用好幼細ge方法攻,concept有d錯左,我諗要注意一下.因為弱方進攻方法應該係直接d.

3)今場無論前場現身羅波同搵人傳波果d都比平時差左,一齊努力la.羅波果個盡量舉下手,叫兩聲.搵人傳波果個都唔好完全企定晒等人走位, try try自己主動咁搵人傳la,呢點傻喬就好夠強la.

4)體能問題大家努力la,我都好慚愧,辛苦晒傻喬,thx a lot,不過其實到時踢聯賽我地可能仲比依家運動少……

一齊加油努力la~