20/7 vs 振興聯 ( EZsoccer cup)

首先講聲唔好意思,界外球冇人幫果球因為龍門果邊有事擾攘之後,
冇眼鏡睇唔到有界外球開,所以冇去幫羅波.

今場個人認為死守方面仍然有黑馬ge風範
但真係進唔到攻,前場實在冇乜羅到ge波接應
我地D死守太過多瓦解到人地攻勢都唔能夠保持到個波
可能對方比到壓力唔少,但每一次都係冇目標ge解圍
長遠黎講一定要諗諗計
死守應該要有反守為攻ge機會,呢場做唔到
希望大家一齊努力

anyway,呢場波都好值得受到獎勵,見到進步ge地方
勞煩領隊請食飯...請食飯...請食飯...請食飯...!!!

老實講, 今場大家表現出水準真是值得一讚. cheers!!
我們的強項果然是死守..........

雖然輸的一球, 帶點幸運成分
但我覺得失波我要負起最大責任, 是我的解圍不遠再加上來不及刪波造成.....對不起
進攻方面, 亦因為自己傾向保守的踢法, 未能組織有效進攻

好耐冇遇過咁體力化的對手, 相信聯賽裡應該有不少這樣的對手.......大家都要俾心機練體能了.
仲有, 我地有時間可以練習一些不同的戰術同陣式.....例如打兩個後衛, 這都可以特別為我們的隊而訂立, 不用太拘泥於什麼3-2-1, 或者3-1-2.......其實都係一樣..

個人極唔習慣對手咁體力化既踢化,所以開波初段走左一輪之後有D上下唔接下氣.

進攻既時間HOLD唔住個波有3個原因
1)防守既時候用左唔體力
2)解圍波通常都離我遠而近對手,所以追起上黎輸蝕左
3)掂親波波都俾人推一推,所以跌低左(平時就一定唔會跌,但係呢場波防守既時候跑多左,所以進攻既時候有些少腳軟.但係對手真係有犯規)

有球罰球自己開快左,SOR AR.因為防守時係咁走黎走去,搞到個人既節奏亂左......亂黎左一野

P.S.自呢場波完左之後,我每日都會狂做SIT-UP/PRESS-UP(已經做左兩日^^).希望遲D我呢個坦克1號做到只有我撞爆人,無人撞到我!!你地都努力喇!

本人認為今場波其實係可以守和的，原因有三：

１）本隊擁有一個世界級ｋｅｅｐｅｒ；
２）對方攻力疲弱；
３）對方幸運。

首先say sorry, 自己有一球回傳, 上前射波又冇咩質素, 下次一定唔會再係咁架喇!!

場波我地防守的確唔錯, 雖然失左一球, 但係其實成場波都冇咩失誤, 個人認為我地既防守已經算合格, 下一步都應該要改善一下進攻, 我同意首先要做好既係轉守為攻, 可能係比賽對手踢法通常比較壓迫性, 我地後防踢得比平時更保守, 一些平日可以控定重新組織既波都大腳解圍, 上前助攻次數都少左, 同意傻喬之前所講可能只係習慣左既關係, 其實有些時候我地係可以控球在腳的, 有機會的話可以放膽上前助攻, 雖然領隊既後衛既duty 係做好防守唔失波既理念係冇錯, 但係我覺得做好防守只係minimum requirement, 後面傳球控球都應該做好d, 唔好輕易失左控球權, 我諗如果我地做得到既話進攻應該會有所改善, 努力努力!!

另外想提一提頹廢既表現有所進步, 但係我覺得龍門球可以再斬遠d, 盡量唔好到中場就落地, 同埋對方單刀真係要出迎, 呢兩點係比較須要改善既地方.

同意鼎灝和七仔所講首要係要做好轉守為攻；
但同時後衞交波要交得快先可以轉守為攻，好多時因為傳波傳得慢而浪費好多機會!