28/7 vs 東尼足球隊 (EZsoccer Cup)

慘敗5球, 第二球上得太前, 第三球又阻唔到條友頂入, sorry.

再次prove 到兩個後衛既戰術唔多適合我地, 我同Keeper 速度唔快, 而且左右中場都唔多習慣點樣係咁既戰術下防守, 所以我都係建議用番3個後衛.
另外中前場反映後衛傳波太慢, 我, Keeper 同小霖都應該要檢討一下, 可能我地上腳時間真係過長, 盡量有位就俾中場, 可能有時我地幾個想自己搵好d 既option 去傳, 做到當然係好, 不過如果拎到波後第一時間搵唔到好option 既話都係俾左中場先好d, 唔好再慢慢自己搵其他人, 始終中場多d option, 而且後衛hold 太耐先傳易俾人焗死, 就算唔係自己俾人焗死, 傳出之後中場都易俾人焗死, 後衛們留意一下啦, 縮短hold 波既時間, 俾多d 時間中場做野, 不過中場都要留意下, 如果俾人mark 死左就走, 唔好塞住左個位置, 咁後衛都易d 俾到你地.
同埋有人批評我有d 浪射, 不過我唔承認係浪射黎架, 但係無可否認射門質素一般, 我會改善一下, 不過都請中場前鋒們檢討一下自己既射門次數, 真係偏少wo.
龍門認真d 啦, 都係果句, 人地單刀請嘗試出黎封, 單刀失波絕對唔會係你既責任, 係我地做後衛既踢得唔好俾人有機會單刀, sorry, 不過我都覺得人地單刀你唔出黎封就係你既責任law, 唔係責怪你, 只係身為後防既一員, 我覺得我地可以再做好d, 大家努力啦.
最後大家都要習慣一下聽雞聲, 要接受很多球證視力都唔多正常既現實, 我地太多球證冇吹自己企晒係度, 雖然要改呢個習慣有d 難度, 不過都係盡力啦.

聯賽抽左籤喇, 希望大家會繼續進步踢好d 啦!!

雖然自己不嬲都認為3-2-1比較適合7人場打法
但我ge意見係應該保留2-3-1既一定訓練
一黎我地可能會隨時打少個後衛加強進攻
二黎今場後段2-3-1果陣組織攻勢明顯比以往好 (當然可能因為呢隊壓迫性冇咁強 )

第一次打2-3-1又遇上角球屈機人,失球多應該體諒
至少呢場係tackling方面表現唔錯,亦製造到反攻

呢場幾點值得注意同改善:

累積下比賽經驗,球證未吹就唔好停晒
其他人見到比人快攻3打2都冇人幫拖!?
駿雖然表現活躍,但個位置過於飄忽
Peter前場欠缺壓迫性防守
Mo lone企位唔好 (特別係龍門球,唔好迫埋落後衛到爭波踢!?應該企前d)

客觀來說, 的確上一場的表現較好, 但畢竟對手是聯賽第二, 輸是合理的.
而且凡事都是有第一次, 我覺得大家用盃賽試陣(2-3-1)真是無妨, 贊成阿堅咁講,要搶攻的時候會踢少個後衛, 所以大家一定要識得點打.

踢正式比賽經驗好重要, 有經驗的兄弟要多d同隊友分享, 我識的野都會逐一講下.

---------------------------------------------------------------------------------
龍門球進攻/防守:

唔知道大家有冇發覺, 比賽同踢街場唔同的地方係, 龍門球絕大部份都開長波.

所以場上面六個人都要知道企咩位, 爭頂搶第一點, 唔得都要俾pressure佢同搶第二點,

深入d講, 開龍門球的時間, 重點是估計落點同迎波,
開左幾球波, 大家都應該feel到兩面龍門球的落點, 企係適當位置是第一步,
進攻拉闊兩邊, 防守夾埋中間, 這個是最基本的, teamwork!!

龍門亦需要有目標地長傳, 開得過半場就perfect la!
---------------------------------------------------------------------------------

總結:
這三場比賽顯示我隊一些特點:

1) 不得不承認我們的比賽經驗不足, 但我絕對相信我們可以一條心, 一齊進步!!! 記得聽雞聲, 要集中, 比賽前要有心理準備, 知道自己的位置應該點踢, 嬴緊點踢, 輸緊又點踢, 逐步提升我們的心理質素, 同埋要明白比賽中球證判決是冇得推翻的, 同佢點拗都冇用.

2) 三人防線防守力強, 但進攻力不足, 原因是意識上傾向保守, 以及我們速度不足, 如果要加強後衛進攻, 例如我的左路殺入中路, 或者鼎灝的傳中/遠射, 中場的補位是很關鍵的, 否則後衛失位被打快攻隨時得不嘗失.

3) 我們死球其實有一定優勢, 亦是其中一個重要的入球板斧, 所以需要"重點"加強這方面的戰術訓練, 包括罰球, 角球!

P.S. 開了Facebook, group名叫黃金來, 將來相片都會放上網, 未有account的朋友要快d join!!!!