vs Fanling FC 4:2 (7/1/2008)

首先第一個失波我認左頭先啦, 頂唔住條友, sorry, 下次會再硬淨d 架喇!!
跟住其他人都係啦, 硬淨d, 拎波前盡量拎左身位先啦.
另外守corner 果時我覺得應該搵番d 適當既人黎mark 人啦, 冇理由搵傻喬mark 大隻佬掛!!
同埋埋門把握力雖然都唔可以話十分差, 不過都有待改善.
Last 係老問題啦, 有時搶到波之後太急住向前喇, 唔多控制到個pace.

好既就係終於有入禁區接應傳中攻門, 以前冇咩人插入去射門or 頭搥, 希望可以keep 住啦.
大佬航d 頭搥二傳得左好多呀, 努力啦!!
傻喬都少左係危險位置轉身, 再少d 會更好啦, 或者你可以考慮下推橫去邊既空位先啦, 之後就算失左都唔大問題ma.
司徒今日好得呀, 以後唔好發番以前d 波瘟喇, 不過睇黎你應該會錯過比賽lu, 後衛荒...........又要諗諗呢個問題.

經此一役，我係一定唔可以再係防守角球嗰時入禁區，只係等死而己。
無後衛係一個非常大的問題，keeper睇過勢就算佢話得都未必夠膽出佢.......
仲有我覺得今場波我都無轉身架啦，波都幾乎無扭過，就算轉身都係睇住無人先轉，不過我會再留意多啲。
有一樣野想講既就係後衛交波比平時快左，這是非常重要的，希望可以keep住。

其實第一個失波我都有責任, 封唔晒個近柱位, 應該可以唔失的................

賽後報告:
@大佬航的頭搥二傳的確進步左好多, 同駿的那球配合絕對是靚波, 助攻助守抵讚, 要改善的係門前把握力, 可以向阿堅取經
@司徒的防守夠果斷, 時間準, 位置感亦好, 今場真是冇咩可以挑剔的地方
@駿的技術大家都覺得唔錯, 有幾球靚波都幾正, 進攻偏向個人主意, 要多選擇與隊友配合, 否則會俾人睇死, 防守上位置感應加強
@傻喬的效率一向都係我們隊內不可或缺的, 助攻那球好靚, 同意傻喬少左係危險位置轉身, 提議你中場攞波盡量唔好太貼身, 會容易俾人迫"lut", 同埋留意我們的提場, 有鬼時多向後傳, 穩陣左先.
@鼎灝繼續表現平穩, 有如加歷查穩陣先生一樣, 如比賽時打中堅位, 需要多提點隊友的企位
@阿堅今場做了神射手, 勁呀, 埋門質素隊中之冠, 唯一.......要一齊練體能了.....
@keeper未傷愈, 寄望你好好養傷, 仲有掛踢, 唔洗心急復出

建議:
1. 守corner 果時真是冇理由搵細細粒的mark大隻佬的,
不過當人地已經係準備好晒開角球, 而又有人冇人mark, 咁冇得揀, 一定係搵最近那個,
其實大家角球捉人的確唔夠緊, 一個捉一個係好基本的責任, 希望大家可以互相提點一下, 同埋出聲話你mark邊個
2. 節奏方面每一個隊友都要alert, 當自己體力要支撐到完場, 除非你係加度素, 否則一定要懂得留放之道,
雖然向後交波好似冇咩建榭, 但其實可以拉空對方中場之餘, 仲可以消耗對方體力, 其實我地係有著數的,
唔好擔心浪費左進攻機會, 有好多時候我們的體能唔係特別差, 只是冇好好控制節奏, 中場要特別留意
3. 希望隊友們好好注意狀態的保養, 以及賽前熱身, 比賽前跑圈, 再拉筋, 然後練帶波傳波斬波射波, 絕對有助我們怏些入局, 避免交失波同頭十分鐘上氣唔接下氣的情況, 這是我的建議, 希望大家可以認真考慮一下.

p.s. 請隨便comment我的表現或俾suggestion我, 無限歡迎!!!!

今場覺得踢得都OK既!

0:1-->1:1--->2:1-->2:2--->3:2--->4:2

個人方面:團隊默契合作,防守,位置上待改善

另外建議訓練進攻節奏,利用長傳,轉邊,ONETWO,一腳波,遠射等技術

有咩意見可以隨意提出,踢出漂亮GG

我同意傻喬所講我地打後果d 前面有空位果時要傳快d, 等中場可以多d 時間同空間做野, 自己都會多加留意架喇, 不過正如小霖既意見, 我地唔多懂得控制節奏, 有時中場拎到波都唔一定要不停向前, 去唔到可以俾番後再做過, 所以後衛快傳個波俾中場唔imply 要再快傳個波上前, 只係俾多d option 中場.

我覺得小霖表現都好平穩呀, 體能都好似好左, 唯一係斬波稍為有d 唔準, 前面要拎可能要花d 工夫.

至於毛lone 其實我覺得個人ok 架, 不過真係好冇teamwork, 而且take 左好多冇必要既risk 做危險動作, 經常上前助攻之後失左個位唔追番, 不過請緊記當你太冒險過人失敗左又唔防守既時候, 其實你正係度拎緊隊友既體能同失波既危險黎交換, 要對你既隊友負番d 責任呀!! 我重申一次我認為個人質素絕對冇問題, 不過teamwork 先係最重要, 冇teamwork 唔能夠contribute 到自己既價值. 我覺得既然大家係隊友有問題應該提出, 希望不要太介意, thx.

同意鼏灝對毛lone的意見,
或者我地做唔到一些好美麗的進攻足球
但我有信心咁講
我相信我們每一個隊友落場都冇私心, 全心為個team
咁先發揮到化學作用
正如毛lone你可能非常堅持自己的足球理念
但在我們隊裡, 的確對你的發揮有所保留
因為你的技術好, 體能亦好
假如防守意識加強了, 承擔多點中場欄截
一定可以激活整隊的表現
而你的進攻理念亦可以得到較理想的配合
如果你沒有好好考慮這一方面
那會是非常可惜的事